Լևոն Ալթունյանը նշանակվեց ՀՀ Առողջապահության նախարար

ՀՀ նախագահ Սերժ Սարգսյանի հրամանագրով` Լևոն Ալթունյանը նշանակվել է Հայաստանի Հանրապետության առողջապահության նախարար: Մեդ-Պրակտիկ թիմը շնորհավորում է նորանշանակ նախարարին և մաղթում բեղմնավոր աշխատանքային գործունեություն առողջապահական համակարգում:

Ստորեւ ներկայացնում ենք Լեւոն Ալթունյանի կենսագրությունը:

Ալթունյանը ծնվել է 1958 թ. հոկտեմբերի 26-ին Երևանում: 1985թ.-ին ավարտել է Երևանի պետական բժշկական ինստիտուտը:

1976 - 1978թթ. ծառայել է Խորհրդային բանակում:

1986 – 1987թթ. եղել է Հրազդանի կենտրոնական շրջանային հիվանդանոցի` շտապօգնության բժիշկ օրդինատոր:

1987 - 1989թթ. աշխատել է Հրազդանի կենտրոնական շրջանային հիվանդանոցում` որպես բժիշկ անեսթեզիոլոգ: 1989 – 1995թթ.-ին Ալթունյանը զբաղեցրել է Երևանի վնասվածքաբանության և օրթոպեդիայի գիտահետազոտական ինստիտուտի բժիշկ անեսթեզիոլոգի պաշտոնը:

1996 - 2016թթ. եղել է «Էֆես» ապահովագրական ՓԲԸ-ի (2004-ից՝ «Ինգո Արմենիա» ապահովագրական ՓԲԸ) հիմնադիրը և գործադիր տնօրենը:

2002 – 2006թթ. դարձել է «Ապահովագրական շուկայի ասոցիացիա» ԻԱՄ-ի հիմնադիր նախագահը:

2012 - 2016թթ. աշխատել է Հայաստանում գյուղական տարածքների տնտեսական զարգացման հիմնադրամում` որպես հոգաբարձուների խորհրդի անդամ:

2014 – 2016թթ. դարձել է Հայաստանի արդյունաբերողների և գործարարների (գործատուների) միության նախագահության անդամ:

Անկուսակցական է: Ամուսնացած է, ունի մեկ երեխա:

2016թ. սեպտեմբերի 27-ին նշանակվել է ՀՀ առողջապահության նախարար:

Հարցեր, պատասխաններ, մեկնաբանություններ